Դեմքի պիլինգ տնային պայմաններում

Դեմքի պիլինգը կոսմետիկ գործողություն է, որը հարկավոր է անել կանոնավոր կերպով: NEWS.am STYLE-ը կպատմի տնային պայմաններում պիլինգ անելու մասին:

Միջոց №1

Վարունգի հյութը քամում ենք, ավելացնում 1 ճաշի գդալ վարսակի ալյուր եւ 1 թեյի գդալ մանր ծովային աղ: Հարկավոր է բոլոր բաղադրիչները լավ խառնել եւ ավելացնել 2-3 կաթիլ եթերայուղ, օրինակ՝ վարդի: Քսում ենք դեմքին, 10 րոպե անց գոլ ջրով լվանում:

Միջոց №2

1 ճաշի գդալ լոռամիրգը տրորում ենք, ավելացնում 1 թեյի գդալ նշայուղ: Խառնում ենք, ավելացնում 2-3 կաթիլ նարնջի յուղ: Վերցնում ենք 0.5 բաժակ վարսակի ալյուր եւ 1 թեյի գդալ շագանակագույն շաքարավազ: Բոլոր բաղադրիչները լավ խառնում ենք եւ քսում դեմքին: 10-15 րոպե անց գոլ ջրով լվանում ենք:

Միջոց №3

4-5 շատ հասած ելակները տրորում ենք, ավելացնում 1 ճաշի գդալ ձիթապտղի ձեթ (եթե ձեր մաշկը յուղոտ է, ապա ձեթի փոխարեն ավելացրեք յոգուրտ): Բոլոր բաղադրիչները լավ խառնում ենք եւ քսում դեմքին: 10-15 րոպե անց գոլ ջրով լվանում ենք:

Եվ հիշեք, որ ցանկալի է պիլինգ անել շաբաթը մեկ անգամ:

Հարցեր, պատասխաններ, մեկնաբանություններ